Madaxweynaha cusub ayaa ugu baaqay qeybaha kala duwan Bulshada Maamulka somaliland in ay xoojistaan Amaanka ay heystaan isla markaana si wada jir ah uga hortaan wax kasta oo Amaanka qalqal gelin kara, si nolosha iyo xasiloonida ay heystaan u sii xoojistaan.

“waxa aan ku faano haddii aynu nahay Maamulka Somaliland waa nabada, haddii aysan nabadi jirin deegaanada oo dhan waa laga haajiri lahaa, marka si aan u sii xoogsano Amaanka aan heysano waa in Bulshada si iskaashi ah oo wada shaqeyn ah looga wada shaqeeyo xoojinta Amaanka” ayuu yiri Madaxweynaha cusub Maamulka Isku magacaabay Somaliland Axmed Maxamad Maxamuud Siilaanyo.

Sidoo kale madaxweynaha waxa uu cabsi ka muujiyey in ay Qaraxyo ka dhacaan Gobolka Sool oo hadda ay ka jiraan qalalaaso u dhaxeeya jabhada SSC iyo Ciidamada maamulka Somaliland.

waa markii ugu horaysay madaxweynaha cusub Maamulka Somaliland Axmed Siilaanyo bulshada deegaanada maamulkaasi ugu baaqo in ay si wada jir ah u xoojiyaan Amaanka deegaanadaasi si aysan uga dhicin arrimo lid ku ah amaanka.

Wasiirka ayaa wuxuu ugu baaqay ciidamadaasi in ay la yimaadaan wax qabad dhab ah oo ammaanka iyo xasiloonida la xiriira.

“Waxaa la idinka rabaa in aad la timaadaan wax dadkii idinka horeeyay aysan la imaan, oo tusaale wanaagsan aad noqotaan,” ayuu yiri C/qaadir Cali Cumar, wasiirka arrimaha gudaha dowladda KMG.

“Dalka wuu burbursan yahay wuxuuna u baahan yahay daryeel dhab ah, shacabkuna wuxuu ku daalay colaadaha dheeraaday,” ayuu xusay C/qaadir Cali Cumar.

Dowladda KMG ayaa juhdi fara badan waxaa ay ku bixisaa sidii mar ay u yeelan laheyd ciidamo tayo leh oo suurta geliya in talada dalka ay gasho gacanta dowladda KMG.

Madaxaweynaha Somaaliya iyo Saraakiisha Dowlada Kenya ayaa waxa ay ka wada hadleen xaalada Soomaaliya iyo sidii Dowlda Kenya ay uga qeby qaadan lahaayd ciidamo u soo dirida Soomaaliya, sidoo kale madaxweynaha ayaa la kulmay Diblomaasiyiin Caalami ah, waxa uuna uga warbixiyey xaalada Amaan ee Dalka, waxa uuna ka codsaday in la taageero Dowladiisa.

Madaxweynaha Soomaaliya Shriif Sheekh Axmed ayaa lagu wadaa in kulamo kale uu la qaato Diblomaasiyiin caalami ah, waxa safarkiisa lagu wadaa in uu uga sii talaabo Magaalada Qaahira ee dalka Masar si uu kulamo ula soo qaato Madaxda Dalkaasi.

Shalay ayey ahayd markii Madaxweyne Shariif oo shirjaraa’id ku qabtay magaalada Muqdisho eedeeyn kulul uu u jeediyey beesha caalamka, isagoona ku eedeyey in beesha caalamka ay ka gaabisay balan qaadyadii Dowlada KMG u sameeysay, waxa uuna ka deeyriyey xaalada Amaan ee dalka Soomaaliya.